कोरोनाले सार्‍यो संसद् भवन, पोखरा सभागृहलाई धमाधम सिँगारपटार

हामारीले देशभर लकडाउन जारी रहँदा पोखराको सभागृह हल भने जोडतोडका लागि रंगरोगन तथा सिँगारपटार थालिएको छ ।

अबको ५ दिनभित्र पोखरा सभागृह हललाई प्रदेश सभाको संसद् भवनजस्तै चिरीच्याट्ट बनाइँदैछ ।

कोरोनाबाट जोगिन सांसदले सामाजिक दूरी कायम गर्नुपर्ने भएकाले हाल सञ्चालित पोखरा नदीपुरस्थित संसद् भवन सानो भएकाले पोखरा सभागृहलाई विकल्प रोजिएको छ ।

गण्डकी प्रदेश सभामा कुल ६० जना सांसदको प्रतिनिधित्व छ । साविक नगर प्रशिक्षण केन्द्रको हललाई संसद भवन तोकिएकोमा सो हल सानो र काठका कुर्सीसमेत नजिकै जोडिएको हुँदा सामाजिक दूरी कायम गर्नु सम्भव थिएन ।

गण्डकी प्रदेश सभाको बजेट अधिवेशन जेठ ११ गतेदेखि शुरू हुँदैछ । प्रदेश सरकारको सिफारिसमा आइतवार प्रदेश प्रमुख अमिक शेरचनले बर्खे अधिवेशन आह्वान गरेका छन् ।

पोखरा महानगरपालिकाको स्वामित्वमा रहेको पोखरा सभागृह हल (तत्कालीन दीपेन्द्र सभागृह) लाई अस्थायी रुपमा प्रयोग गर्न सोमवारदेखि धमाधमरुपमा संसद् भवनको स्वरुप दिन थालिएको छ । त्यसका लागि आवश्यक मात्रामा कामदार खटाइएको छ । केहीले रंगरोगन शुरू गरेका छन्, केहीले कुर्सी व्यवस्थापन र माइक जडान थालेका छन् ।

पोखरा सभागृह हल करीब १ हजार २०० व्यक्ति अट्ने क्षमताको हल हो । पुरानो र जीर्ण हुँदै गएको हल परिसरमा पर्याप्त मात्रामा पार्किङ सुविधा छ । दक्षिणी भेगमा खुला चौर र बगैचा छ । पोखरा शहरमा हुने ठूला प्रकारका कन्सर्ट, सभा, सभारोह, कार्यक्रम सभागृह हलमा सम्पन्न हुँदै आएका थिए ।

सभामुख नेत्रनाथ अधिकारी लगायतको टोलीले सोमवार पोखरा सभागृह हलको निरीक्षण गरेको छ । त्यसअघि आइतवार साँझ पनि मुख्यमन्त्री पृथ्वीसुब्बा गुरुङ, सभामुख अधिकारी, उपसभामुख सिर्जना शर्मा लगायतले निरीक्षण गरेका प्रदेशसभा सचिवालयका निमित्त सचिव राजेन्द्र न्यौपानेले बताए ।

२०७४ सालको प्रदेश तथा प्रतिनिधिसभा निर्वाचनपछि नगर विकास प्रशिक्षण केन्द्रलाई प्रदेशसभा तोक्ने निर्णयसँगै हालसम्म सोही ठाउँमा संसद् चल्दै आएको थियो ।

गण्डकीमा वैशाख २३ गतेको मन्त्रिपरिषद्ले अधिवेशन अन्त्य गर्न प्रदेश प्रमुखलाई आह्वान गर्ने निर्णयसँगै हिउँदे अधिवेशन अन्त्य भएको थियो । गत चैत ६ गते बोलाइएको बैठक सूचना टाँसेर स्थगित भएपछि लकडाउनका कारण अर्को बैठक बस्न नपाउँदै अधिवेशन नै अन्त्य भएको थियो ।

प्रदेश सरकारले असार १ अगावै बजेट अधिवेशन बोलाइसक्नुपर्ने प्रावधान छ । बजेटका सिद्धान्त र प्राथमिकता पारित गरिसकेपछि नीति तथा कार्यक्रम तय गर्नुपर्छ । ती सबै कार्यक्रम पोखरा सभागृह हलमा हुनेछन् ।

पोखरा महानगरपालिकाले पनि आफ्नो नीति तथा कार्यक्रम र बजेट सोही हलमा सञ्चालन गर्नेछ । महानगरलाई कम्तीमा ४ दिन चाहिने हुँदा संसद बैठकको समय हेरी मिलाएर सम्पन्न गर्ने पोखरा महानगर प्रमुख मानबहादुर जिसीले बताए ।

यसैबीच, गण्डकी सरकारले प्रदेशका ११ वटै जिल्ला अस्पताललाई स्करपियो गाडी खरिद गरिदिने भएको छ । मन्त्रिपरिषद्को आइतवार बसेको बैठकको निर्णय सुनाउँदै प्रवक्ता रामशरण बस्नेतले जिल्ला अस्पतालमा गाडी अभाव भएकाले सबै जिल्ला अस्पताललाई गाडी खरिद गरिदिने गरी रकम छुट्याइएको जानकारी दिएका थिए । तनहुँको शुक्लागण्डकी र त्रिवेणी शवदाह गृहका लागि आवश्यक सामग्री आयात गर्दा लाग्ने भन्सार छुटका लागि संघीय सरकारलाई सिफारिस गर्ने निर्णय गरिएको छ ।

ताजा

व्यावसायिक सटर एवं घरको लकडाउन अवधि ३ महिनाको भाडा नलिने घोषणा

समन्वय प्रमुख कृष्णकुमार डल्लाकोटीले वैशाख, जेठ र असार महिनाको भाडा नलिने बताउनुभएको छ। जिल्ला समन्वय समिति चितवनले भाडामा लगाएका व्यावसायिक सटर एवं घरको लकडाउनको...

रुपन्देहीमा सवारी दुर्घटनामा पत्रकार कृष्णबाबुको दुःखद मृत्यु

रुपन्देही,सिद्धार्थ राजमार्गअन्तर्गत बुटवल–भैरहवा सडकखण्डको तिलोत्तमा–१ ड्राइभर टोलमा शनिबार राति रुपन्देहीमा सवारी दुर्घटनामा पत्रकार कृष्णबाबु पाण्डेको मृत्यु भएको छ ।शनिबार राति भएको सवारी दुर्घटनामा परि...

सुशान्तको आफ्नै साथी पुगे प्रहरीकोमा,सुशान्तले देह त्याग गर्नुको प्रमाण म संग छ:खुल्यो प्रेमिकासंग भएको झगडा

एजेन्सी,प्रहरीले अनुसन्धानको दायरामा नराखेका ब्यक्ति मसग प्रमाण छ भन्दै प्रहरी कार्यालय पुगेपछि घटनामा नयाँ मोड आएको हो ।  बलिउड अभिनेता सुशान्त राजपुतको निधनका सम्बन्धमा...

विश्वमा कोरोना भाइरसबाट ४ लाख ५१ हजार भन्दा बढीको मृत्यु र ८४ लाख भन्दा बढी संक्रमित

कोरोना भाइरसबाट विश्वमा ४ लाख ५१ हजार भन्दा बढीको मृत्यु र ८४ लाख भन्दा बढी संक्रमित भएका छन्। कोरोना भाइरस (कोभिड १९) बाट विश्वभर...

सुशान्त राजपुतले देहत्याग गर्न बाध्य बनाउने स्टारहारको नाम अगाडी

अहिले मि टु अभियान जस्तै बलिउडका फिल्म कलाकारहरुले पनि आफु माथि परेको अन्यायका बारेमा आफ्ना अनुभव शेयर गरेका छन् । शुसान्त राजपुतको निधनमा बलिउडका...

वलिउड फिल्म भित्रका धेरै कर्तुतहरु उजागर:दबंगका निर्देशक अभिनव कश्यपले लेखेको एउटा लामो स्टाटस

एजेन्सी,अभिनेता सुशान्त राजपुतको निधन पछि बलिउडमा खैला बैला मच्चिएको छ। अहिले बलिउडमा अभिनेता सुशान्त सिंह राजपुतको मृत्त्युको खबरले सबैलाई दुखित बनाएको छ। अभिनेता सुशान्त...

अंकितालाई सुशान्तले देहत्याग गरेको विषयमा प्रश्न गरेपछि उनले ‘के ????….’

बलिउड अभिनेता सुशान्तसिंह राजपुतले देहत्याग गरेका छन्। मुम्बईको बान्द्रास्थित आफ्नै घरमा उनले आइतबार पा सो लगाएर देहत्याग गरेको भारतीय सञ्चारमाध्यमले जनाएका छन्। अभिनेता लकडाउनको...

बलिउडले दुई महिनाभित्र १० चर्चित कलाकार गुमायो

काठमाडौं,आजभन्दा डेढ महिनाअघि बलिउडले अभिनेता इरफान खान र ऋषि कपुरलाई गुमाएको थियो । अभिनेता इरफान खानको निधनपछि लगातार बलिउड शोकमा डुब्दै गइरहेको छ ।बलिउडले...

रुकुम जाजरकोट घटनाले २३ दिनपछि लियो अर्कै मोड,

चौरजहारी नगरपालिका–८ पक्राउ परेका र फरार रहेका समेत गरी ३३ जनाविरुद्ध तीन कसूर र एक जनाविरुद्ध मतियार कसूरमा जिल्ला सरकारी वकिल कार्यालयले जिल्ला अदालतमा...

भारतवाट आएर क्वारेन्टिनमा बसेकी एक युवतीको सामुहिक करणी

कैलाली,क्वारेन्टिनमा बसेकी एक युवतीको सामुहिक करणी भएको घटना सार्वजनिक भएको । उनि भारतवाट आएर क्वारेन्टिनमा बसेकी थिइन्। कैलालीको क्वारेन्टिनमा बसेकी उक युवतीले आफु सामुहित...