एमालेमा देखिएका सकारात्मक संकेतले कार्यकर्तामा खुसी

  •  
  •  
  •  
  •  
  •  
  •  
  •  

 

विघटनको संघारमा रहेको एमालेमा देखिएका सकारात्मक संकेतले कार्यकर्तामा खुसी छाएको छ । मंगलवार एमालेको कार्यदलले सहमतिको मस्यौदा बनाउने र प्रधानमन्त्री एवं पार्टी अध्यक्ष केपी ओली र वरिष्ठ नेता माधवकुमार नेपालबीच भेटवार्ता गराएर पार्टी विवाद समाधान गर्ने कामको सुरुवात गरेको छ ।

कार्यदल ब्युँताउने र त्यहाँ बन्ने सहमतिको मस्यौदामा मात्रै वार्ता गर्ने नेपालको सर्त ओलीले स्वीकार गरेपछि विघटन हुनै लागेको एमालेमा नयाँ किरण देखिएको हो । संसद् विघटनसम्बन्धी मु द्दाको सुनुवाइ सकिएर फैसलाको पर्खाइ भएकै वेला एमालेमा सहमतिको नयाँ अध्याय सुरु भए पछि भने विपक्षी दलमा छटपटि सुरु भएको छ ।

आइतबार दोस्रो तहका नेताहरूले ओली र नेपाललाई भेट गराएर सहमति जुटेका विषयमा संयुक्त विज्ञप्ति निकाल्ने कोशिस गरेका थिए । तर, नेपालले कार्यदल ब्युँताउने र त्यहाँ बन्ने सहमतिको मस्यौदामा मात्रै वार्ता गर्ने अडान राखेपछि अलमलमा परेका नेताहरु ओलीको सकारात्मक संकेतले खुसी भएका छन् ।


  •  
  •  
  •  
  •  
  •  
  •  
  •