•  
  •  
  •  
  •  
  •  
  •  
  •  

नेपाल कम्युनिष्ट पार्टी (नेकपा) दाहाल–नेपाल पक्षका अध्यक्ष पुष्पकमल दाहालले आवश्यक पर्यो भने आफूहरु संसदको बैठक बसेर केपी शर्मा ओलीलाई कारबाही गर्ने चेतावनी दिएका छन् । शुक्रबार विराटनगरमा आयोजित सभालाई सम्बोधन गर्दै दाहालले यस्तो चेतावनी दिएका हुन् ।

शुक्रबार विराटनगरमा आयोजित सभालाई सम्बोधन गर्दै दाहालले यस्तो चेतावनी दिएका हुन् ।

उनले भने,‘संसद विघटन गर्ने ओलीको कदम असंवैधानिक छ । हामी सांसदहरु जिउँदै छौं । हामी मरेका छैनौं । हामी जिउँदै छौं । कुनै तानाशाहले मैले मारें भन्दैमा हामी मर्नेवाला छैनौं ।

सभामुखले बैठकको आयोजना गर्नुहुन्छ, हामी बैठक गर्छौं । केपीलाई कारबाही गर्न सकिन्छ ।’

कार्यक्रमलाई सम्बोधन गर्दै प्रचण्डले अगाडी भने, ‘सर्वोच्च अदालतले सही फैसला गर्छ भन्नेमा हामी विश्वस्त छौं । त्यही भएर अहिले नै संसद बैठक बसिएको छैन् । जरुरी पर्यो भने हामी बैठक बस्छौं ।

जनताले श्री ३ हुन चाहनेलाई सहनेछैनन् । केही महिनाभित्र नेपाली जनताले धेरै महिना लड्नु पर्ने छैन । आफुलाई बादशाह भन्न रुचाउनेलाई जनताले नै खसाल्नेछन् । र लोकतन्त्र फेरि ट्रयाकमा आउनेछ ।’


  •  
  •  
  •  
  •  
  •  
  •  
  •