•  
  •  
  •  
  •  
  •  
  •  
  •  

नेकपा माओवादी केन्द्रको स्थायी कमिटी बैठक बस्दै छ । पछिल्लो राजनीतिक घटनाक्रमका विषयमा छलफल गर्न आज (शनिबार) बिहान ९ बजे बैठक बस्ने गरेर बोलाइएको हो ।

आजको बैठकमा नयाँ सत्ता समीकरण र एमालेमा गएका नेतालाई कारबाहीलगायत विषयमा छलफल गर्ने बताइएको छ ।माओवादी केन्द्रका एक नेताका अनुसार शुक्रबार नेपाली कांग्रेस र जनता समाजवादी पार्टीबीच छलफल भएलगत्तै अध्यक्ष पुष्पकमल दाहाल ‘प्रचण्ड’ले स्थायी कमिटी बैठक बोलाउनुभएको हो ।नयाँ सरकार गठनमा जसपा निर्णायक देखिएको छ।

प्रधानमन्त्रीसमेत रहेका एमाले अध्यक्ष केपी शर्मा ओलीले शुक्रबार एकैदिन आफूपक्षीय दुईवटा केन्द्रीय कमिटी बैठक राखेर नेपाल पक्षका नेताहरूको जिम्मेवारी खोस्नुभएको छ भने गृहमन्त्री रामबहादुर थापालगायत पूर्वमाओवादीबाट २३ नेतालाई केन्द्रीय सदस्य बनाउनुभएको छ ।आजको बैठकबाट एमालेमा गएका आफ्ना नेतालाई पार्टीमै फर्किन आग्रह गर्ने, नमाने कारबाहीको निर्णय गर्ने तयारीसमेत गरेको छ।


  •  
  •  
  •  
  •  
  •  
  •  
  •