प्रधानमन्त्री ओलीको पक्षमा शक्ति प्रदर्शन

प्रधानमन्त्री केपी शर्मा ओली नेतृत्वको नेकपालाई नै जनताको साथ रहेको प्रमाणित भएको छ । प्रधानमन्त्री ओलीको पक्षमा शक्ति प्रदर्शन गर्न नेकपा बागमति प्रदेश कमिटीले आज काठमाडौंको नारायणहिटी दरवार संग्राहलय अगाडि आयोजित जनसभामाको सहभागिताबाटै जनता ओलीकै पक्षमा रहेको स्पष्ट भएको हो ।

ओली नेतृत्वको नेकपाले आयोजना गरेको जनसभामा उपस्थित सहभागी अहिलेसम्मकै सवैभन्दा बढी हो । नेकपाले आजको सभामा कम्तीमा दुई लाख जनता उतार्ने घोषणा गरेको थियो ।

घोषणाअुनुसार नै जनता उल्लेख्य मात्रामा सहभागी भएका हुन । आजको सभामा जयनेपालदेखि केशरमहल, जमल घण्टाघरदेखि नारायणहिटी संग्राहलय अगाडि रहेको मञ्चसम्म नै खचाखच रहेको थियो ।

ओली नेतृत्वको नेकपाले आमसभामा जनता अटने ठाउँ खोज्दै जाँदा दरवारमार्ग रोजेको थियो । अन्य दलले २०–२५ हजार उपस्थित भए भरिने स्थल खोजे पनि ओली पक्षले कम्तीमा दुई लाख जनता सहजै अटन सक्ने गरी स्थान खोजेको थियो । सोही अनुसार जनसभामा अत्यधिक धेरै उपस्थित गराइएको हो ।

सभामा उपस्थित जनता देखेर प्रधानमन्त्री ओली निकै खुसी बन्नुभयो । उहाँले उपस्थितिले नै देशको तथ्य बताएको भन्दै अव कोही भ्रममा रहनुपर्ने अवस्था नरहेको बताउनु भयो ।

बृहत आमसभालाई सम्बोधन गदै प्रधानमन्त्री ओलीले भन्नुभयो,–‘यो आमसभा कास्टिङ्ग मात्र हो, हामीले साच्चै आमसभा गर्नुपरे काठमाडौंका सवै सडकमा साउन्ड सिष्टम राखेर आमसभा गर्नुपर्ने दिनपनि आउन सक्छ ।’प्रधानमन्त्रीले अर्को कास्टिङ्ग फागुन १ गते बुटवलमा र ८ गते बिराटनगरमा हुने बताउनुभयो ।

सरकारको बिरोध गदै आलोचना गर्ने साथीलाई मन थामेर बस्न उहाँको आग्रह थियो । प्रधानमन्त्रीले भन्नुभयो,–‘हेर्दे जानुस नेपाल कता जान्छ , सामाजिक न्याय र समृद्धि सहितको देश बनाउने अभियानमा अब कसैले रोक्न सक्दैन ।’

आमसभालाई संवोधन गर्नुहुँदै पार्टी अध्यक्ष एवं प्रधानमन्त्री ओलीले निर्वाचन गर्नु लोकतन्त्रको सुन्दर पक्ष भएको बताउँदै निर्वाचन गरेर देश सङ्कटमा नपर्ने बताउनुभयो ।

उहाँले भन्नुभयो, ‘अब कसको सरकार बन्नुपर्छ,कसले विकास गर्दछ, सबैको फैसला जनताले गर्नेछन्, देश चुनावतर्फ गयो गयो, अब चुनावले नै फैसला गर्नपर्छ ।’ उहाँले भन्नुभयो, ‘अब कसको सरकार बन्नु पर्छ चुनावले फैसला गर्छ ।’

कार्यक्रममा बोल्नुहुँदै प्रधानमन्त्री ओलीले केही मान्छेहरू निर्वाचन आयोगमा गएर निर्वाचनको तयारी रोक भनिरहेको बताउँदै, आयोग र अदालतलाई धम्काउनेहरू लोकतन्त्र विरोधी भएको बताउनुभयो ।

देशका स्वतन्त्र निकायले विवेकपूर्ण ढङ्गले निर्णय लिने बताउँदै प्रधानमन्त्रीले भन्नुभयो, ‘कतिपय मान्छेहरू निर्वाचन गर्दा देश सङ्कटमा पर्छ भनेर कराइरहेका छन्,जनताले अभिमत प्रकट गद्दार, जनताले आफ्नो फैसला आफै गर्दा देश सङ्कटमा पर्दैन ।’ उहाँले थप्नुभयो,देश सङ्कट त कुनामा बसेर षडयन्त्र गर्दा पर्छ ।’

प्रधानमन्त्री ओलीले जनताको चेतना स्तर माथि उठिसकेको बताउँदै अब कसैले पनि लोकतन्त्र खोस्न नसक्ने बताउनुभयो । प्रधानमन्त्रीले काम गर्न नपाउने अवस्था हुँदा संसदीय प्रणालीमा प्रधानमन्त्रीले संसद् विघटन गर्नसक्नेभन्दै उहाँले ताजा जनादेश लिनु लोकतन्त्रको सुन्दर पक्ष भएको बताउनुभयो ।

‘हाम्रै बलमा संसद्मा आएर हामीलाई नै काम गर्न नदिने र व्यवधान खडा गर्ने र सरकारलाई बदनाम गराउन खोज्नेहरूलाई जवाफ दिन ताजा जनादेश नै उपयुक्त हो ।’ प्रधानमन्त्रीको भनाई थियो ।

आफूले लोकतन्त्रका लागि जीवनभर लडेको बताउँदै प्रधानमन्त्री ओलीले आफूले सङ्घीय लोकतन्त्रीक गणतन्त्रलाई सुद्घिण पारिरहेको बताउनुभयो । उहाँले भन्नुभयो,‘अब कसैले लोकतन्त्र मास्न सक्दैन, लोकतन्त्र सुद्घिण छ । जनता सचेत छन् ,कसैले लोकतन्त्रलाई केही गर्छु भनेर नसोचे हुन्छ ।

ताजा

आज र भोलि देशका पहाडी भेगमा मेघगर्जनसहित वर्षाको पूर्वानुमान

जल तथा मौसम पूर्वानुमान महाशाखाले आज र भोलि देशका पहाडी भेगमा मेघगर्जनसहित वर्षाको पूर्वानुमान गरेको छ । हाल देशका पहाडी भू-भागमा आंशिकदेखि सामान्य बदली रही...

पशुपतिनाथमा भेटी दान गर्न ‘क्यूआर कोड’ प्रयोग

पशुपतिनाथ मन्दिरको दक्षिण प्रवेशद्वार, जुत्ता चप्पल कक्ष, महास्नानघर अघि र मूल मन्दिर परिसरमा राखिएको ‘क्यूआर कोड’ मार्फत भेटी दान गर्न सकिने छ। यसका लागि...

केपी ओलीले राजीनामा नदिइ संसद्मा डटेर सामना गर्ने ;ईश्वर पोखरेलले

उपप्रधानमन्त्री एवं नेपाल कम्युनिष्ट पार्टी (नेकपा)का सचिवालय सदस्य ईश्वर पोखरेलले प्रधानमन्त्री केपी शर्मा ओलीले राजीनामा नदिइ संसद्मा डटेर सामना गर्ने बताएका छन् । पार्टीनिकट अनेरास्ववियुको...

आज को राशिफल २०७७ /११ /१५ ; श्री पशुपतिनाथले हामि सबैको रक्षा गरुन ।

  मेष(चू,चे,चो,ला,लि,लू,ले,लो,अ) साथिभाई तथा आफ्नो बिषेश मान्छेसँग दिनभर मिठा मिठा कुरा गरेर समय ब्यातित हुँने हुँदा मन खुसि रहनेछ । सवारि साधन,भौतिक सम्पति तथा आकस्मिक धनसम्पति...

नेपाल कम्युनिस्ट पार्टीका उपाध्यक्ष वामदेव गौतम र प्रधानमन्त्री केपी शर्मा ओलीबीच वालुवाटारमा भेटवार्ता

नेपाल कम्युनिस्ट पार्टीका उपाध्यक्ष वामदेव गौतम र प्रधानमन्त्री केपी शर्मा ओलीबीच वालुवाटारमा भेटवार्ता भएको छ ।सत्तासमीकरणका विषयमा दलहरुले भेटघाटलाई तीव्रता बनाइरहेका बेला उपाध्यक्ष गौतमले...

दक्षिण कोरियाले देशव्यापीरुपमा कोरोनाविरुद्धको खोप शुरुआत

दक्षिण कोरियाले देशव्यापीरुपमा कोरोनाविरुद्धको खोप शुरुआत गरेको छ । थेगु शहरको एक अस्पतालमा रहेको ६० वर्षीय जोडी चिकित्सकबाट खोप अभियान शुरु भएको बताइएको छ...

काठमाडौँको तारकेश्वरमा फेरि बर्डफ्लु

पशु सेवा विभागले तारकेश्वर नगरपालिका–१ मा व्यावसायिकरुपमा पालिएका कुखुराको नमूनाको केन्द्रीय पशुपक्षी रोग अन्वेषण प्रयोगशालामा गरेको पिसिआर परीक्षणमा बर्डफ्लु रोग पुष्टि भएको विभागका महानिर्देशक...

दाङका एक शिक्षक घरको आँगनमै मृत फेला परे

घोराही उपमहानगरपालिका–१०, सौंडिकुला निवासी अन्दाजी ४३ वर्षीय श्रीधर घिमिरे आफ्नै आँगनमा मृत अवस्थामा फेला परेका हुन् । घिमिरे लमडरुवाका माविका सहायक प्रधानाध्यापक हुन् ।...

उत्तीर्ण भएको एक महिनामा चालक अनुमतिपत्र पाइने

नयाँ चालक अनुमतिपत्रका लागि फाराम भर्नेको सङ्ख्या पाँच लाखभन्दा बढी हुँदा यातायात व्यवस्था विभागले अनुमतिपत्रको परीक्षा पास गरेका सेवाग्राहीलाई एक महिनाभित्रमा अनुमतिपत्र दिइसक्ने योजना...

म्याग्दीको बेनी नगरपालिका–४ फापरखेतमा जीप दुर्घटनामा एक जनाको मृत्यु

म्याग्दीको बेनी नगरपालिका–४ फापरखेतमा बिहीबार राति भएको जीप दुर्घटनामा एक जनाको मृत्यु भएको छ भने चार घाइते भएका छन् । मालिका गाउँपालिका-३ पात्लेबाट बिरामी लिएर...