•  
  •  
  •  
  •  
  •  
  •  
  •  

मुम्बई–बलिउडकी ‘दबंग गर्ल’का रुपमा परिचित सोनाक्षी सिन्हा बुधबार आफ्नो ३४ औं जन्मदिन मनाउदैछिन् । शान्त स्वभावकी सोनाक्षी आफ्नो प्रेमजीवनलाई लिएर चर्चामा आइरहन्छिन् ।

उनको नाम अर्जुन कपूरदेखि लिएर शाहिद कपूरसँग जोडिएको छ । तर उनी अहिले बन्टी सचदेवासँग प्रेममा छिन् ।

बलिउड लाइफका अनुसार सोनाक्षी सिन्हा र अर्जुन कपूरको नाम सन् २०१५ मा एकअर्कासँग जोडिएको थियो । यो समयमा उनीहरु अभिनित फिल्म ‘तेवर’ रिलिज भएको थियो ।

यो फिल्ममा व्यस्त भइरहँदा उनीहरुले केही महिना डेट गरेका थिए । तर त्यो डेटले लामो समयसम्म निरन्तरता पाएन । अलग्गिएपनि अर्जुन सोनाक्षीलाई आफ्नो एक मिल्ने साथी मान्दै आएका छन् ।

सोनाक्षीको अर्को प्रेमी जहीर इकबाल हुन् । प्रोपर्टी बिल्डर रहेका जहीर अभिनेता सलमान खानको बाल्यकालका साथी इकबाल रतनासीका छोरा हुन् ।

उनले फिल्म ‘नोटबुक’बाट अभिनयमा डेब्यू गरेका थिए । विभिन्न पार्टीमा जहीर र सोनाक्षी सँगै बसेको तस्वीर सार्वजनिक हुन थालेपछि उनीहरु प्रेममा रहेको चर्चा चलेको थियो । तर यो कुरालाई उनीहरुले कहिल्यै स्वीकारेनन् ।

अभिनेता शाहिद कपूर र सोनाक्षीले सन् २०१३ मा रिलिज फिल्म ‘आर. राजकुमार’मा सहकार्य गरेका थिए । यो फिल्मपछि नै बलिउडमा उनीहरु प्रेममा रहेको चर्चा हुन थाल्यो ।

एक अन्तरवार्तामा सोनाक्षीले जुनसुकै हल्ला फैलिए पनि आफूलाई केही फरक नपर्ने बताएकी थिइन् । अहिले शाहिद र सोनाक्षी एक मिल्ने साथी बनेका छन् ।

बन्टी सचदेवा अभिनेता सोहेल खानको सालो हुन् । बन्टी र सोनाक्षीको नाम मिडियामा कैयौंपटक आइसकेको छ । सन् २०१६ मा उनीहरुको विवाह हुने चर्चा पनि नचलेको होइन् । तर त्यो चर्चामै सीमित रह्यो । अहिले पनि उनीहरु प्रेममै छन् ।

फेम सिनेमाजका एमडी आदित्य श्राफसँग पनि सोनाक्षीको नाम जोडिएको थियो । उनीहरुले करिब दुई वर्षसम्म डेट गरेका थिए । तर उनीहरुबीच एउटा कुनै विषयमा विवाद भएपछि उनीहरु अलग्गिए ।


  •  
  •  
  •  
  •  
  •  
  •  
  •