•  
  •  
  •  
  •  
  •  
  •  
  •  

पाचास वर्षीया हमाया शेरपुञ्जा र चार वर्षीया सिम्रन छन्त्यालको पहिरोले पुरिएर निधन भएको छ। निधन भएको जिल्ला प्रहरी कार्यालय म्याग्दीले जनाएको हो।

मङ्गलबार राति ११ बजेतिर उनीहरु सुतिरहेको गोठ लेदोसहितको पहिरोले पुरिएको प्रहरी निरीक्षक धु्रवप्रसाद शर्माले बताए। सुतिरहेको अवस्थामा वर्षापछि माथिबाट आएको पहिरोले पुरिएका हुन् ।

पाखापानी प्रहरी चौकीका प्रहरी सहायक निरीक्षक ढकबहादुर हमालको नेतृत्वमा गएका प्रहरी र स्थानीयवासीले हमाया र सिमरनलाई मृत फेला पारेका थिए ।

मामाघर आएकी सिम्रन हजुरआमा हमायासँग गोठमा गएकी थिइन् घटनास्थलमा रहेका हमालले बताएका छन। पहिरोले पुरिएर ढुङ्गा, माटोले बनेको जस्ताको छानोको गोठमा रहेको अन्नपात, भाँडावर्तनलगायत सबै नष्ट भएको छ ।

पशुचौपायको भने क्षति भएको छैन । थप उद्धार र अनुसन्धानका लागि आज बिहान प्रहरी निरीक्षक शर्माको नेतृत्वको टोली घटनास्थल गएको छ ।


  •  
  •  
  •  
  •  
  •  
  •  
  •